Aatsitassanut inatsimmik allannguineq

Aatsitassanut inatsimmik allannguineq (inatsimmik allannguut) ulloq 1. januaari 2020-mi atuutilerpoq. Kalaallit Nunaanni aatsitassanut tamakkiisumik inatsiseqarnermi, inatsimmik allannguut, pingasunik allannguivoq. Allannguutit pingasut taakku tamarmik, atuinissamik akuersissummik qinnuteqarnermut aamma/imaluunniit atuinissamut akuersissummik pigisaqalereernermi piumasaqaatinut, tunngassuteqarput. Ujaasinermiit atuinissamut alloriarnerup ajornannginnerulernissaa, inatsimmik allannguinermi siunertarineqarpoq.

1) “Aatsitassat aningaasarsiutigalugit atorneqarsinnaasut”

Qinnuteqartup “aatsitassat aningaasarsiutigalugit atorneqarsinnaasut” killilersuinissaanik piumasaqaat – atuinissamut akuersissummik nalunaaruteqarnermi piumasaqaatitut – inatsimmik allannguinermi peerneqarpoq. Taamannak allannguinikkut Naalakkersuisunit akuerineqarpoq aningaasaliisut taarsigassarsititsisullu taakkuusut suliniutip imminut akilersinnaanissaanut akisussaasuusut.

2) Misissueqqaarneq ujaasinerlu atuinissamut akuersissummik pereernermi

Inatsimmik allannguutip malitsigisaanik atuinissamut akuersissummut tunngassuteqartuni  ingerlatsivik atuinissamut akuersissuteqartoq kisimi misissueqqaarnernik ujaasinernillu ingerlatsisinnaasoq.

3) Atuinissamut akuersissummi piffissaliussat

Inatsimmik allannguutip malitsigisaanik piffissaliussat malinneqanngippata atuinissamut akuersissummik atorunnaarsitsinissamut utertitsisinnaanermulluunnuut Naalakkersuisut piumasaqaatinik aalajangersaasinnaasut.

Allagaatit paasissutissallu attuumassuteqartut:

Aatsitassanut inatsit

Inatsisartut inatsisaat nr. 39, 28. novembari 2019-imeersoq

Inatsisartut inatsisaat nr. 39, 28. novembari 2019-imeersumut nassuiaatit

Inatsimmik allannguut pillugu apeqqutissaqaruit toqqannartumik attaveqarnissannut tikilluaqqusaavutit uunga [email protected].

Recommended Posts