Inatsisissatut siunnersuutip saqqummiunnissaanik kinguartitsineq

COVID-19-imut tunngatillugu maannakkut nalaataqarneq pissutigalugu Aningaasaqarnermut Aatsitassanullu Naalakkersuisup aatsitassanut tunngasunik inatsisiliornermik pilersitsinissat arlallit kinguartinnissaat aalajangiussimavaa, ilaallutik aatsitassarsiorfimmut inatsimmut nutaamut siunnersuut, aamma annikitsunik aatsitassarsiornermut inatsit nutaaq siunnersuut.

Aatsitassarsiorfimmut inatsimmut nutaamut siunnersuut, aamma annikitsunik aatsitassarsiornermut inatsit nutaaq 2020-mi ukiakkut ataatsimiinnermi pilersaarutigisatut saqqummiunneqassannginnerani, kisiannili 2021-mi upernaami ataatsimiinnermi saqqummiunneqassanerinik tamanna nassataqassaaq.

Tusarniaanermik ingerlatarisamut kinguartitsineq aamma kinguneqassaaq. Inatsisissatut siunnersuutit taakku marluk 2020-mi maajimi tamanut ammasumik tusarniaassutigisatut nassiunnissaat Aatsitassanut Naalakkersuisoqarfiup pilersaarutigisimavaa. Tamanut ammasumik tusarniaanissaq nalaataqarnermik aalajangerneqartumik 2020-mi juulimut imaluunniit aggustimut kinguartinneqassaaq.

Tusarniaanermik ingerlattakkamut pilersaarutaasumut tunngatillugu periusaasumut kinguartitsineq kinguneqassanngilaq. Pilersaarutigineqartutut inatsisissatut siunnersuutit Naalakkersuisut nittartagaanni (https://naalakkersuisut.gl/kl-GL/Tusarniaanerit), Aatsitassanut Oqartussat  nittartagaani (https://govmin.gl/ka/tusagassiorfiit/nutaarsiassat/) aamma inooqatigiiffimmi tusagassiorfinni saqqummiunneqarumaarput. Aatsitassarsiorfimmut inatsisissaq nutaamut inatsisissatut siunnersuutit kalaallit, tuluit danskillu oqaasiini pissarsiarineqarsinnaassapput. Annikitsumik aatsitassarsiornissamut inatsisissaq nutaamut inatsisissatut siunnersuut kalaallit danskillu oqaasiini pissarsiarineqarsinnaassapput. Aammattaaq soqutigisaqaqatigiinnit sapinngisamik amerlasuunit ilassutissanik pissarsinissaq siunertaralugu inatsisissatut siunnersuutit pisinnaatitsissutinik piginnittunut soqutigisaqaqatigiinnullu allanut toqqaannartumik tusarniaassutitut nassiunneqarumaarput.

Inatsisartunit akuersissutigineqassappata inatsisit taakku nutaat pilersaarutigisatut 1. januaari 2021-mi atuutilissanngillat, ilimanarporli 1. juuli 2021-mi atuutilissasut.

Recommended Posts