COVID-19-mik nunarsuaq tamakkerlugu tunillaassuunneq, nunarsuarmilu angalanermut killilersuutit nanginnissaannik isikkoqarneq pissutigalugit 2020-mi Aatsitassanut Tunngatillugu Saqqummersitsineq piffissamut aalajangerneqanngitsumut kinguartinneqarpoq.
2020-mi Aatsitassanut Tunngatillugu Saqqummersitsineq Kujataani Qaqortumi aggustip 26.-29.-anni pilersaarutigineqarsimavoq. Saqqummersitsinerup Kujataata aatsitassanut piukkunnaatigisai nunarsuarmit isikkivimmit takutittussaavai, aammalu Kalaallit Nunaanni aatsitassarsiornermik immikkoortortaasumut innuttaasut peqataanerat annertusarniartussaallugu. 2020-mi Aatsitassanut Tunngatillugu Saqqummersitsinermut pisussaagallartuni ilaatigut suliassaqarfigisami ingerlatseqatigiiffiit aatsitassanik misissuinissamik suliaqartut saqqummiussineri, Kujataani aatsitassaqarnermut piukkunnaataasunik ilisimatusartut naliliineri, annikitsumik aatsitassarsiortarnerup iluani najugaqarfimmi innuttaasut periarfissaat, aammalu innuttaasunut ilanngussaqartarnermut tunngasutut suliarisat allat. Saqqummersitsineq Aatsitassanut Naalakkersuisoqarfik aamma Kommune Kujalliup kattullutik aaqqissugaraat aningaasaliiffigalugulu.
Aaqqissuussisut saqqummersitsinerup ingerlannera piffissami kingusinnerusumi naatsorsuutigaat, tassani pisussat nunat tamalaani najugaqarfiusumilu soqutigisaqaqatigiinnut, ilanngullugit Kujataani innuttaasunut soqutiginartuussallutik.
