Skip to content

Piiaasinnaanermut akuersissummik imatut pissarsissaatit

Akuersissummik pissarsinissamut aqqusaagassat

VVM-imut aamma VSB-mut suliassat allassimaffiat

Naalakkersuisoqarfinni pineqartuni oqaloqateqarnerup kingorna (VVM-imut atatillugu Aatsitassanik Suliassaqarfinnut Avatangiisinut Aqutsisoqarfik, VSB-mut atatillugu Aatsitassanut Naalakkersuisoqarfik) oqaatsit pingasut atorlugit (tuluttut, danskisut aamma kalaallisut) Kalaallit Nunaanni Aatsitassarsiornermut Pisortaqarfimmut Suliassat allassimaffiat nassiunneqassaaq.

Ulluni 35-ni sioqqutsisumik tusarniaaneq

VVM-imut aamma VSB-mut suliassat allassimaffiat tusarniaanermut akissutinik tigusaqarnissaq siunertaralugu, Namminersorlutik Oqartussat tusarniaassutaasunik isaaffianni, ulluni 35-ni tamanut saqqummiunneqassaaq. Piffissap taassuma naanerani, akissutinut tiguneqartunut tamanut isummerfiginnittumik, kiisalu suliassat allassimaffiannik inaarutaasumik iluarsaassillunilu nassiunneqartumik, oqaatsit taakku pingasut atorlugit itisiliiffiusumik nalunaarusiaq, pisinnaatitsissummik piginnittup suliarissavaa.

Naalakkersuisoqarfinni pineqartuni taakkunani oqaloqateqareernerup kingorna, VVM-imut aamma VSB-mut oqaatsit pingasut atorlugit allaqqaakkat, Kalaallit Nunaanni Aatsitassarsiornermut Pisortaqarfimmut nassiunneqassapput. Avatangiisinut Sunniutaasussanik Nalilersuinermik (VVM) aamma Inuiaqatigiinni piujuartitsineq pillugu nalilersuinermik (VSB) suliaqarnissanut ilitsersuut takulaatsiariuk.

Sivikinnerpaamik sapaatip akunnerini arfineq-pingasuni tamanut ammasunik tusarniaanerit aamma tusarniaasitsinermut tunngatillugu ataatsimiinnerit

Sivikinnerpaamik sapaatip akunnerini arfineq-pingasuni, Namminersorlutik Oqartussat tusarniaasitsissutinik isaaffianni, VVM-imut aamma VSB-mut allaqqaakkat, tamanut saqqummiunneqassapput. Piffissami tassani illoqarfinni nunaqarfinnilu attuumassuteqartuni tusarniaasitsinermut tunngatillugu ataatsimiisitsinerit tamanut ammasut pissapput. Tusarniaasitsinerup nalaata naanerani akissutinut tiguneqartunut tamanut isummerfiginnittumik, kiisalu VVM-imik aamma VSB-mik inaarutaasumik iluarsaassamik oqaatsit taakku pingasut atorlugit itisiliiffiusumik nalunaarusiaq pisinnaatitsissummik piginnittup suliarissavaa. Pisortanik oqaloqateqareernikkut Kalaallit Nunaanni Aatsitassarsiornermut Pisortaqarfimmut VVM aamma VSB inaarutaasut nassiunneqassapput.

Illua’tungeriit pingasut akornanni isumaqatigiissutissaq (IBA) pillugu isumaqatiginninniarnerit

Namminersorlutik Oqartussallu aamma kommune(-nit) attuumassutilik(-tillit) peqatigalugit IBA inissillugu pisinnaatitsissummik piginnittup isumaqatiginninniutigaa. Illua’tungeriit pingasut isumaqatigiissutaat taanna pillugu annertunermik paasissutissat Illua’tungeriit pingasut isumaqatigiissutaat, (IBA)-mi nassaassaapput.

Piiaanissamut akuersissutip suliarinera

Akuersissummut pingaarnertut sinaakkutissanik tikkuussisuutigisoq, Kalaallit Nunaanni Aatsitassarsiornermut Pisortaqarfiup, piiaanissamut akuersissut suliarissavaa. Allagaat taanna pillugu annertunermik paasissutissat Piiaanissamut akuersissut (§ 16)-mi nassaassaapput.

Inuiaqatigiinni piujuartitsineq pillugu nalilersuineq

Immakkut angallannermi isumannaassutsimik misissuineq (NSI-mik nalunaarusiaq)

Avatangiisinut Sunniutaasussanik Nalilersuineq (VVM)