Suna pillugu qinnuteqarpunga?
- akuersissut nutaaq (misissueqqaarnermut, ujaasinermut, aamma ujaasinermut akuersissutit immikkut ittut)
- atorsinnaajunnaarnissaata qanillinerani akuersissutip sivitsornera (taamaallaat ujaasinermut akuersissutinut atuuttoq)
- sumiiffiup akuersissuteqarfioreersup allinera millineraluunniit (ujaasinermut, ujaasinermullu immikkut ittumut akuersissutit)
- Akuersissutaareersumik tunniussaqarneq (ujaasinermut, ujaasinermullu immikkut ittumut akuersissutit)
Imatut qinnuteqassaatit
Online-kkut qinnuteqartarfimmut isaaffik
Online-kkut qinnuteqarfimmut isaaffitta akuersissummik qinnuteqartut qinnuteqaatimik sumut killinnera malittarisinnaavaat.
Qinnuteqarnermut immersugassat
Qinnuteqartut Aatsitassanik ujaasinermut akuersissummik qinnuteqarnermut atatillugu immersugassaq, missueqqaarnissamullu akuersissummut atatillugu immersugassaq immersorsinnaavaat. Qinnuteqaammilu sumiiffinnut qinnuteqarfigisanut naleqqerfiusut nalunaarsorsimassaput.
Qinnuteqaatip suut
Misissueqqaarnissamut akuersissutinik qinnuteqarnermut tamanna atuutinngilaq.
Qinnuteqaatinut tamanut qinnuteqarnermut akitsuut akiliutigineqassaaq.
- Misissueqqaarnermut akuersissummut akitsuut: Kr. 3.000
- Ujaasinermut akuersissutinut atatillugu, ujaasinernullu immikkut ittunut atatillugu akuersissutinut qinnuteqaatinut akitsuut: Kr. 5.000
Qinnuteqarnermut immersugassaq attuumassutilik immersoruk, uungalu nassiullugu: [email protected]
Qinnuteqartup teknikkip tungaatigut piginnaasaqarneranik naatsumik nassuiaagit. Inuit aamma CV-p nalunaarsugaaneranni inunnut taama ittunut ataasiakkaanut tamanut atorfinitsitsinermut atugassarititat qinnuteqartup ilanngutissavai.
Taamatuttaaq ukiumut naatsorsuutinik ukiumullu nalunaarusiamik iluarsaassamik qinnuteqaat ilaqartinneqassaaq.
Akuersissummik qinnuteqartutut suliffeqarfiit tamarmik CVR-imut nalunaarsuiffimmi nalunaarsugaasimassapput, takuuk Akileraartarnermut Aqutsisoqarfiup nittartagaani ilitsersuut.
Nalunaarsuinermi suliffeqarfiusut kodii takukkit.
Suliamik isumaginninneq qinnuteqaammillu akuersineq
Qinnuteqaat amigaatilik nassiunneqarsimassappat qinnuteqartumut tamanna maluginiaqqussaaq. Qinnuteqartumut Aatsitassanut ikummatissanullu Aqutsisoqarfik ilisimatitsissaaq, ilassutissatullu paasissutissat piumassallugit. Qinnuteqartup ullut 14-it qaangiutsinnagit Aatsitassanut ikummatissanullu Aqutsisoqarfiup ilassutissatut paasissutissat piumasai tunniutinngippagit qinnuteqaammik Aatsitassanut Ikummatissanullu Aqutsisoqarfik itigartitsisinnaavoq, qinnuteqarnermullu akitsuut utertinneqassanngilaq.
Qinnuteqaatip amigaateqanngitsup nalunaarsugaareernerata kingorna kingusinnerpaamik qaammatit pingasut qaangiutsinnagit akuersissut nalunaarutigineqartarpoq.