“Prospector and Developer the Year Award” ileqqut malillugit ingerlanneqartartoq ukiumoortumik Toronto-mi nunani tamalaani aatsitassarsiorneq pillugu ataatsimeersuarnermi, PDAC-imi, Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik sinnerlugu tunniunneqartarpoq.
Nersornaat suliffeqarfimmut imaluunniit inummut iliuuseqarluni aatsitassarsiorluni misissuinermi suliassamik siumut ingerlatitsisimasumut, suliniuteqarluni takutitsisimasumut, nutaanngorsaasimasumut, aammalu avatangiisitigut inooqatigiinnikkullu sapinngisamik qaffasinnerpaamik akisussaaffeqarneq malillugu suliassamik ingerlatsisimasumut, tunniunneqartarpoq.
Ukioq manna nersornaat suliffeqarfimmut sukkasuumik Malmbjerg-imi Molybdæn-inut suliassamik, Tunup qiterpasissuani Ittoqqortoormiit eqqaanni inissisimasumik, siumut ingerlatitsisimasumut, tunniunneqarpoq.
Prospector and Developer of the Year Award, Tunumi Greenland Resources for Malmbjerg-ip Molybdæn-inut suliaanut tunniunneqarpoq.
Molybdæn mingutsitsinngitsumut allanngoriartortitsinermi pingaarutilimmik inissisimavoq, aammalu suliassaq Europami Aatsitassanut iligiinnit tapersiivigineqarpoq.
Ajugaasut pilluaqquagut!
Asseq: ”Prospector and Developer of the year Award” ukioq manna Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisup, Fru Naaja H. Nathanielsenip, CEO-mut, Dr. Ruben Shiffman-imut, aammalu Greenland Resources-ip aallartitaannut, tunniuppaa. (Assiliisoq: Toronto-mi Danskit Aallartitaqarfiat, CA).