Aatsitassanut ikummatissanullu inatsimmi §45 najoqqutaralugu, inuit Kalaallit Nunaanni aalajangersimasumik najugaqartut, aatsitassat nalingisa ukiumut koruunit 100.000-it qaangersimanngippatigit, akuersissummik peqaratik aatsitassanik katersuisinnaallutillu piaasinnaapput.
Kalaallit Nunaanni takornariat ujaqqanik/aatsitassanik katerseqqusaanatilluunniit piiaaqqusaanngillat. Taamaattorli najugaqarfiusuni kusanartuliortartunit, annikitsumik aatsitassarsiornermik akuersissutinik piginnittunit imaluunniit Kalaallit Nunaanni pisiniarfinni ujaqqanik/aatsitassanik takornariat pisiaqarsinnaapput. Kalaallit Nunaannit aallarnermi ujaqqanut/aatsitassanut pisiaqarnermut uppernarsaatip nassarnissaa eqqaamajuk. Uani annertunerusumik paasissutissat takukkit.