Kalaallit Nunaannut isaaffik (www.greenmin.gl) Kalaallit Nunaannut geologii pillugu ilisimatusarnikkut paasissutissanut ujaasinermut attuumassuteqartunut tamanut databasitut atuuppoq.
Isaaffik nutarsarneqartuartuuvoq imaralugit:
- nunap assingi geologiskiusut digitalit assileqqillugillu qarasaasiamut nuutat assigiinngitsunik angissuseqartunik imallit
- paasissutissat topografiskiusut
- geofysiskimik misissuinerit, ilanngullugit paasissutissat kajungerisanut, elektromagnetiskinut, radiometriskinullu tunngasut
- ingerlatseqatigiiffinnit ujaasisunit nalunaarutit
- geologiimut tunngasunik misissuinernit nalunaarusiat
- aatsitassaqarfinnik nassuiaatit
- kinnganinnguussimasunik geokemii
- geokronologiskimik paasissutissat
- silaannarmit assilisat
- qillerinikkut qaqitat pillugit paasissutissat
- akuersissutinut paasissutissat maanna pisut oqaluttuarisaanermeersullu
- geologii pillugu ilisimatusarnikkut paasissutissat katersat
Paasissutissat amerlanerpaat akeqanngilluinnartumik qarasaasiakkut aaneqarsinnaapput, paasissutissallu allat akitsuutaasumik annikitsumik akiliilluni pissarsiarineqarsinnaapput. Isaaffik tassaavoq Aatsitassanut Suliffeqarnermullu Naalakkersuisoqarfiup aamma Naalagaaffiup Danmarkimi Kalaallit Nunaannilu Ujarassiornikkut Misissuisoqarfiata (GEUS-ip) akornanni suliniutitut suleqatigiiffigisaat ingerlanneqartuartoq.
Ingerlatseqatigiiffiit Kalaallit Nunaanni suliffeqarfimmik ujaasinermillu ingerlatsisut, geologiskimut, geofysiskimut, paasissutissanik nalunaarusianillu suliarineqanngitsunik suliarineqarsimasunillu tamanik Namminersorlutik Oqartussanut tunniussaqassapput. Paasissutissat taakku ukiuni tallimani allanut oqaatigeqqusaanngillat
0 years
, akuersissut tamanna sioqqullugu utertinneqanngippat. Akuersissummut tunngasutut paasissutissat tamarmik taama pisoqartillugu utertitsinermi ammaavigineqassapput.