Najugaqarfiusuni sulisartunik arlalippassuartigut piginnaasaqartunik amerleriartoqarpoq Kalaallit Nunaanni.
Najugaqarfiusumi sulisartunut attaveqarnissaq suliffissarsiorfittut ingerlatsivinnitsigut (Majoriaq), suliffissarsiorfittut nittartagaq (Suli), Aatsitassalerinermik Ilinniarfik, imaluunniit najugarisami pilersuisooqataasut ilaannik attaveqarnerit aqqutiglaugit pisinnaavoq.
Jobcentre Majoriaq
Majoriamik ingerlatsiviit
Kommunit suliffissanut ingerlatsivinnik, Majorissanik taaguutilinnik, illoqarfinni tamani peqarput. Majorissat tassaapput innuttaasut suliffissarsiortut, ilitsersugaaniartut, allatulluunniit suliffissaqarnermut tunngasutigut siunnersortinniartut, saaffigisinnaasaat.
Najugaqarfiusuni sulisartunik pissarsiaqarsinnaaneq, suliffimmi ilinniartunik pissarsiaqarsinnaaneq, imaluunniit ilinniagaqarnissamut periarfissat pillugit paasissutissat pillugit siunnersortikkusussagaanni Majorissat saaffigisassaapput.
Najugaqarfiusunilu kiffartuussinermik neqerooruteqartartunut il.il. attaveqarnissaq pilersissinnaavaat. Sulisartut pissarsiarisinnaasat pillugit attaveqarnissamut paasissutissat majoriaq.gl-imi imaluunniit kommunini pissarsiarineqarsinnaapput.
Municipality | E-mail | Website |
|---|---|---|
Kommune Kujalleq | [email protected] | www.kujalleq.gl |
Kommuneqarfik Sermersooq | [email protected] | www.sermersooq.gl |
Qeqqata Kommunia | [email protected] | www.qeqqata.gl |
Qeqertalik Kommunia | [email protected] | www.qeqertalik.gl |
Avannaata Kommunia | [email protected] | www.avannaata.gl |
Suliffissarsiorfittut isaaffik Suli.gl
Suliffissanut akornuserneqanngitsumik attaveqarneq
Piginnaasaqarnerit aalajangersimasut suliffeqarfiit ujaasiffigisinnaavaat, suliffissarsiortullu toqqaannartumik e-mailikkut imaluunniit saaffiginnillutik nalunaarfigalugit attaveqarfigisinnaavaat.
Aatsitassalerinermik Ilinniarfik
Aatsitassalerinermik Ilinniarfik Sisimiuniippoq, inuussutissarsiornermillu ilinniakkanik marlunnik aatsitassarsiornermik suliassaqarfimmut tunngasunik neqerooruteqarpoq: 1) Maskinentreprenør, aamma 2) Qaartiterisartoq.
Ilinniarfiup ilinniartitaaneq fagini makkunani aamma neqeroorutigai:
- Qillerineq
- Qillerissutitut angallatinik pikkorissarneq
- Maskiinanik aqutsisutut pikkorissarneq, uppernarsaatit M1-mit M6-imut tunngallutik
- Maskiinanik aqutsinermi surface mining (nunap qaavanit aatsitassarsiorneq)
- Qaartiterisarnermut pikkorissartitsinerit il.il.
Ilinniarfiup suleqatigisat assigiinngitsut attaveqarfigai, ilanngullugit Colorado School of Mines, College of North Atlantic aamma Canadian Diamond Drilling Association.
Kalaallit Nunaanni sulisartut nunanit allaneersut
Kalaallit Nunaanni ujaasinermik suliaqarnerminnut atatillugu ujaasisartutut ingerlatseqatigiiffiit sulisartut nunanit allaneersut sulisorisinnaavaat. Nunanit allanit sulisartut pillugit annertunerusumik paasissutissarsioruit una takuuk.
Assersuutigalugit sulisinnaanermut akuersissutit pillugit annermik uani atuarsinnaavutit: Nyidanmark.dk
Najuagaqarfiusuni suliffiit
Ujartuinermik aatsitassarsiornermillu suliaqarfiusumut nunatsinni pilersuisooqataasut arlaqarput.
Annermik paasisaqarniaruit Grønlands Erhverv attavigigiuk.