Skip to content

Imatut akuersissummik pissarsissaatit

Periarfissanik
Nalilersuinerit

Misissueqqaarnissamut akuersissut

  • Nalinginnartut sumiiffinnut Kalaallit Nunaata Avannaa, Tunu aamma Kitaa
  • Kisermaassisinnaatitaanani, ujaasinissamullu pisussaaffiligaanani
  • Ukiuni tallimani atuuttoq
  • Sivitsorneqarsinnaanngilaq

Ujaasinissamut akuersissut

  • Sumiiffiit minnerpaamik 5 km2-inik angissusillit erseqqinnerusumik nalunaarsukkat
  • Kisermaassisisinnaatitaaffilik, ujaasinissamut pisussaaffiligaasoq
  • Ukiuni tallimani atuuttoq
  • Sivitsorneqarsinnaasoq

Immikkut ittumik ujaasinissamut akuersissut

  • Avannaani Tunumilu sumiiffinnut >1000 km2
  • Kisermaassisinaatitaaffilik, killilikkanillu ujaasinissamut pisussaaffigiligaasoq

Qinnuteqaasiorneq

Uppernarsaatissat piumasaqaataasut:

  • Aningaasaqarnikkut teknikkillu tungaatigut piginnaasaqarneq
  • CVR-imik nalunaarsuisarfimmut nalunaarsugaaneq (CVR-nr.)
  • Sumiiffinnut qinnuteqarfiusunut nunap assingi naleqqerfiillu (taamaattorli misissueqqaarnermut akuersissutit pillugit qinnuteqaatinut pinnagu).

Qinnuteqaatinut tamanut qinnuteqarnermut akiliutissaq akilerneqartassaaq:

  • Misissueqqaarnermut akuersissummut akiliutissaq: Kr. 3.000
  • Ujaasinissamut akuersissutit aamma immikkut ittutut ujaasinissamut akuersissutit pillugit qinnuteqaatinut akiliutissaq: Kr. 5.000

Qinnuteqaammik
tunniussaqarneq

Qarasaasiakkut qinnuteqarnissamut iserfissarput aqqutigalugu qinnuteqarit, imaluunniit allakkatigut e-mailikkulluunnit qinnuteqarnermut immersugaq nassiuguk. Qinnuteqaatit pillugit annertunermik paasissutissarsiornermi, takuuk Qinnuteqaatit.

Qinnuteqaat tamakkiisuunngitsoq nassiunneqarpat qinuteqartumut tamanna ilisimatitsissutigineqassaaq. Aatsitassanut Ikummatissanullu Aqutsisoqarfiup qinnuteqartoq ilisimatissavaa, paasissutissanillu ilassutaasunik piumasaqarfigalugu.

Aatsitassanut Ikummatissanullu Aqutsisoqarfiup ilassutissatut paasissutissat qinnutigisani qinnuteqartumit ullut 14-it iluanni tigusimanngippagit Aatsitassanut ikummatissanullu Aqutsisoqarfiup qinnuteqaat itigartissinnaavaa, qinnuteqarnermullu akiliutissaq akilerneqarsimasinnaasoq uterteqqinneqassanngilaq.

Qinnuteqaatip tamakkiisup nalunaarsugaanerata kingornatigut kingusinnerpaamik qaammatit pingaasut qaangiutsinnagit akuersissut nalinginnarmik nalunaarutigineqartarpoq.

Nalunaaruteqarnerup
kingorna…

Qinnuteqarnermut akitsuutit ilanngaavigalugit akuersissutinut tamanut nalunaaruteqarnermut akitsuut akiliutigineqassaaq.

  • Misissueqqaarluni akuersissutinut: Kr. 21.600
  • Ujaasinissamut akuersissutit, immikkullu ittunut ujaasinissamut akuersissutit pillugit qinnuteqaatinut: Kr. 30.800

Ujaasinissamut akuersissutinut pisinnaatitsissummik piginnittut ukiumoortumik ujaasinermut suliarisanut aningaasartuutit akilernissaannut pisussaaffeqarput, taakkulu akuersissuteqarfittut sumiiffiup angissusianik akuersissutillu nalunaarutiginerata ullua aallaavigalugu naatsorsorneqartarput.

Ujaasinissamut akuersissutinut:

  • Ukiut 1-2: Kr. 1.640/km2 + kr. 164.000
  • Ukiut 3-5: Kr. 8.200/km2 + kr. 328.000

Immikkut ittutut ujaasinissamut akuersissutinut:

  • Ukiut 1-2: Kr. 820/km2 + kr. 164.000
  • Ukiut 3-5: Kr. 820/km2 + kr. 328.000

Atugassarisat, suleriutsit, malittarisassiallu uanngaanneerput:
Kalaallit Nunaanni ujaasinissamut akuersissutinut aamma misissueqqaarnermut akuersissutinut qinnuteqarnermut ingerlattakkat aamma nalinginnartut atugassiat..

Akuersissutaareersut pillugit nutaanerpaamik paasissutissat takusinnaavatit uani: tilladelseskortet aamma online ansøgningsportal-itsinni.

Pisinnaatitsissutinik piginnittunut attaveqarnissamut paasissutissarsioruit takuuk: Liste over rettighedshavere og partnere (allattuiffik kingullermik 2019-imi februaarimi nutarsarneqarpoq).