Avammut nioqquteqarnermi paasissutissat

Kalaallit Nunaannit ujaqqanik imaluunniit aatsitassanik avammut nioqquteqarnissaq kissaatigigaanni malittarisassiat atuuttut sianigeqquneqassapput.

Avammut nioqquteqarnissamut akuersissut pisariaqassanngilaq

  • Ujaqqat imaluunniit aatsitassat pisiniarfimmi, najugaqarfiusumi eqqumiitsuliortumit assingusumilluunniit, imaluunniit annikitsumik aatsitassarsiornermik akuersissummik piginnittumit, pisiarisamut uppernarsaat takutinneqarsinnaagaangat.

Ujaqqat imaluunniit aatsitassat pisiarineqarsimanngippata, pisiaqarnermullu uppernarsaammik takutitsisoqarsinnaanngippat avammut nioqquteqarnissamut akuersissut piumasarineqassaaq. Tamanna ujaqqat imaluunniit aatsitassat nalingat apeqqutaatinnagit atuuttuuvoq.

Taamaallaat inuit Kalaallit Nunaanni aalajangersimasumik najugaqartuusut ujaqqanik/aatsitassanik atortussiassanik katersueqqusaanerat maluginiaruk.

Avammut nioqquteqarnissamut

Kalaallit Nunaannit avammut nioqqutigineqartussanik nassiussassanut ataasiakkaanut tamanut akuersissuteqarnissaq qinnutigineqartassaaq. Tassunga atatillugu ataani nalunaarsukkatut paasissutissat nalunaarsornissaannut qinnuteqarnermut immersugassaq ataaniittoq immersorneqassaaq. Tamanna tulluartuusutut missiliuutigineqassappat ataani piumasaqaatini qinnuteqartup pinngitsuuinissaa pillugu Aatsitassanut Aqutsisoqarfik aalajangiisinnaavoq.

Qinnuteqaammut immersugassaq uunga nassiutissaaq:

[email protected]

Ullut nalinginnaat 3-4 iluini qinnuteqaat Aatsitassanut Aqutsisoqarfiup suliarissavaa.

  • Avammut nioqqutigisassat ujaqqat/aatsitassat pingaarnertut nassuiaavigineri (aatsitassap atortussiassap suussusia)
  • Nioqqutaasumut kode. eVITA-mit (Danmarkimi Akileraartarnermut aqutsisoqarfiup qarasaasiakkut isaasarfianit) nioqqutaasumut kode attuumassutilik atoruk
  • Ujaqqap/aatsitassap pitsaassusia (ujarak pinnersaasiassaappat naamiluunniit)
  • Ujaqqap/aatsitassap annertussusia. Aallaaviatigut ilanngaateqareerluni oqimaassusissatut missiliuutigisaq nalunaarsorneqassaaq. Ujaqqanut erlinnartunut allatut attuumassutilittut annertussutsimut nalunaarsuut tassaasinnaassaaq ilanngaateqareerluni annertussuseq imaluunniit karat.
  • Ujaqqap/aatsitassap nalinga. Sapinngisamik eqqoqqissaarlugu missiliuutigisatut nalinga nalunaarsorneqassaaq. Avammut nioqquteqarnissamut akuersissummut atatillugu Aatsitassanut Aqutsisoqarfiup aalajangiussinnaavaa, qinnuteqartoq aalajangersimasumik naliliissasoq, imaluunniit aalajangersimasumik pissuseqarluni (soorlu inummit kiffaanngissuseqartumit) aalajangerneqarluniluunniit missiliutigineqassasoq nalinga.
  • Avammut nioqquteqarnermut tunngatillugu kinaassutsimut paasissutissat (soorlu nassiussaqarnermut).

Qalipaatilinnik assilisat pitsaassuseqarluartut, ujaqqanut/aatsitassanut uuttuutissartallit.

Nunap assingani nassaarfigisap sumiiffiullu takussusernera, sumiiffimmut naleqqerfiit,  nassaarfimmillu sumiiffimmillu assilisat.

Qinnuteqartoq kisimiilluni ujaqqanik/aatsitassanik nassaarsimanngippat, ujaqqanik/aatsitassanik nassaaqataasut piiaasimasulluunnit aqqi najugaallu.

Ujaqqanik/aatsitassanik qinnuteqartoq kisimiilluni sioqqutsisumik suliaqarsimassanngippat sioqqutsisumik suliaqarsimasup aqqa najugaalu.

Scroll to Top