Skip to content

Aatsitassarsiorluni piiaalinnginnermi suliareqqaagassat

Aatsitassarsiorluni

Atuinissamut matusinissamullu pilersaarutinik tunniussineq

Piiaanissamut akuersissummik nalunaaruteqartoqareerpat, Aatsitassanullu Aqutsisoqarfik suleqatigalugu, akuersissummik pigisaqartoq piiaanissamut suliassanut pilersaarummik kiisalu aatsitassarsiorfiup matunissaanut pilersaarummik Kalaallit Nunaanni Aatsitassanut Oqartussanut tunniussissaaq. Qinnuteqaat atuinissamut pilersaarutitut (§19) matusinissamullu pilersaarutitut (§43) ilisimaneqarnerusoq, Naalakkersuisunit akuersissutigineqarsimassaaq.

Atuinissamut pilersaarut

Atuinissamut pilersaarut tamakkiisumik pilersaarutaavoq, tassani aatsitassat pissarsiarineqartut atorneqarnissaannik nassuiaateqassalluni, ilanngunneqarlutik piffiup aaqqissuussaanera, geologiia, avatangiisai, akileraarutinut inuiaqatigiinnilu aningaasaqarnermut tunngasut kiisalu suliffimmi avatangiisit.

Matusinissamut pilersaarut

Matusinissamut pileraarummi tekniskimik nassuiarneqassaaq, atortut sanaartukkallu, soorlu illuutit atortullu allat, qanoq piiarneqassanersut. Matusinissamut pilersaarut pinngortitamik, avatangiisinillu pilersitseqqinnissamut pilersaarummik imaqassaaq. Matusinissamut pilersaarut, suliassaqarfinni ataasiakkaani tamani matusinissamut aningaasartuutinik aamma imaqassaaq. Matusinissamut aningaasartuutit ajornerpaaffiani aningasartuutissaasinnaassapput, tassanilu saviminikut atortullu nalingat allassimassanngillat.

Matusinissamut pilersaarummi, matusinermi avatangiisinut aningaasaqarnerlu tunngasut  uppernarsarneqarsimassapputtaaq.

Suliassat pilersaarusioqqissaarnerannik tunniussineq

Akuersissummik pigisaqartoq suliassamik ataasinnguamilluunniit aallartitsissanngilaq, suliassat piviusumik pilersaarusiorlugit (§86) Kalaallit Nunaanni Aatsitassanut Oqartussanut qinnuteqaammik nassiussisimatinnani. Piviusumik pilersaarusiat imarissavaat, atuinissamik suliassat tamarluinnarmik akuersissummik pigisaqartumit pilersaarutigineqartut, allanngortoqaraangallu pinerit tamaasa nutarterneqartassallutik.

Sanaartornermi nalinginnaasumik teknikkikkut atugassarititaasut

Kalaallit Nunaanni Aatsitassanut Oqartussanut qinnuteqaat teknikkikkut titartagartaqassaaq, ilanngullugit:

  • Sanaartorfissap titartarnera
  • Aaqqissuussinissamut pilersaarutit
  • Toqqammavissat, illut iigaasa titartarnerat
  • Sanimut ingerlarnga
  • Titartaaqqissaarnerit

Qinnuteqaat uppernarsaatinik ukuninngattaaq imaqassaaq:

  • Avatangiisinut pilersaarut
  • Aningaasaqarnikkut isumannaatsuuneq
  • Qaartiterutit
  • Nalunaaruteqartussaanermut piumasaqaat