Nassuiaat manna 2024-2025-mi ukiuunerani suliarineqarpoq. Ingerlatseqatigiiffiit aatsitassarsiornissamut akuersissummik peqartut nalunaarusianik arlalinnik nassiussinissamik pisussaaffeqarput. Ilanngullugit aatsitassarsiorluni misissuinermut aningaasartuutit pillugit nalunaarusiat aamma nunap sannaanut nalunaarusiat. Nalunaarusiat taakkua ukiup tulliani nassiunneqartarput. Tassa imaappoq, nalunaarusiat arlallit ukiumut 2024-mut tunngassuteqartut, aatsaat ukiup 2025-p ingerlanerani pissarsiarineqarsinnaalissapput, aammalu matuma allanneqarnerata nalaani 2024 pillugu paasissutissat tamakkerlugit pigineqanngillat. Taakkua tamatuma kingorna nassuiaatini ilanngunneqarnissaat naatsorsuutigineqarpoq.