Piffissami matumani alapernaarsuinikkut takussutissaqartinneqanngilaq piffissami qanittumi qaqqat nakkutigineqartut annertuumik sisoorfiusinnaanerat kingunerisaanillu navianaatilimmik Uummannap Sulluani inoqarfinni tassaartoqarsinnaara.
Ujaqqat nakkaaneri sisoornerillu annikinnerusut nunap assiganut ilusiliussani 1 aamma 2-mi aappaluttumik nalunaarsorneqarsimasuni peratarsinnaasassapput. Sumiiffiit taakku qanittuaniinnissaq – nunami imaaniluunniit – innersuussutigineqanngilaq.
Qaammatini kingullerni marlunngortuni alapernaarsuinemitt paasisa
Qaqqat sivinganerini alapernaanneqartuni ujaqqat nakkaaneri nikinnerillu nalunaarsorneqartut ataani ilusiliaq 1 aamma 2-mi nunap assinganut qalipaatinik ilisarnaaserlugit titartorneqarput. Qaammatit kingulliit ingerlaneranni sumiiffiit tungujortumik ilisarnaasikkat tassaapput sisujartornerit ingerlaannartut, sumiiffiillu ujaqqanik uteqqiattumik nakkaaffiusimasut aappaluttumik ilisarnaaserneqarsimapput.
Umiammakku Nunaat:
Umiammakku Nunaanni qaqqat sivinganerini nakuutigineqartuni alapernaarsuinermi takussutissaqartinneqarpoq suli sivinganerit nikikkiartornerat aamma ujaqqat nakkaasarnerat.
Qaammatini kingullerni marlunni sumiiffimmi sisujartortumi ”Umiammakku Nunaat 1”-ip appasinnerusortaani ujaqqat nakkaasarnerat sisoornerillu annikitsut akulikitsumik pisarsimapput. Tamanna aamma ukiut siuliini aasakkut takuneqarpoq.
Kangerluarsuk:
Kangerluarsummi sivinganermi nakkutigineqartumi ”Kangerluarsuk Kangilleq”-mi GPS-it atorlugit uuttortaaviit qaammatini kingullerni nikikkiartornerit sukkatsilaarsimanerat nalunaarsorsimavaat, tamannalu upernaamiit ukiamut allannguut ukiuni siuliini aamma malugineqartarsimavoq.
Sivinganerit immap killiganut qanittumi nikikkiartuaarnerit ingerlaavartut kiisalu akulikitsumik ujaqqat nakkaasarnerat nalunaarsorneqarput (ilusiliaq 2). Tassani sivinganerup nunataata qaarsuatalu sisujartortup iluitsuunerulluni ataatsikkut imaanut sisoorsinnaanera ilimagineqarsinnaavoq. Malilli tassannga pilersinneqartoq taamaallaat sumiiffimmi qanittumi tassaartitsisinnaavoq, inoqarfinnullu navianaateqarnissaa ilimagineqarani.
Qaammatikkaartumik naliliineq tulliuttoq pingasunngornermi 7. oktobarip 2026-imi saqqummiunneqassooq. Allannguutilli aarlerinaatillit pilissappata siusinnerusukkut nalunaaruteqartoqassaaq.
