Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfiup 2024-mi Unnuk Kulturisiorfimmi matut ammatissavai.

Suliagut paasisaqarfiginiarlugit aggeritsi.

Unnuk Kulturisiorfik 2024-mi sammisassat

Ujaqqat, aatsitassat ujaqqallu pinnersaasiassat katersat

Ujaqqat, aatsitassat aammalu ujaqqat pinnersaasiassat katersagut takusakkit, aammalu sulisutta arlaat oqaloqatigiartoruk.

Ujarassiuut atortui takusakkit

Atortut suut ujarassiuut atortarneraat alapernaaffigaajuk? Taava ujarassiuut asimi atortuinut takutitsisarfipput alakkarteruk.

Ujaraatit nalilersortiguk

Nammineq ujaraatit nassaruk aammalu ujarak taanna suunersoq qanorlu pinngorsimanersoq ujarassiuut oqaaseqartikkit.

Ujarassiorit

Ujaqqat misissugassat siusinnerusukkut Ujarassiorimmi ajugaasarsimasut takukkit aammalu ujarassiuut sulisugut, ujaqqat suut Ujarassiorimmi akissarsitinneqartussatut isiginiarneqartarnersut, oqaluttuarsinnaasut naapillugit.

Qaqqat sisoortarneri

Ujarassiuut sulisugut, qaqqat qajannartortallit pillugit ilisimasanik katersinermik suliaqartut naapikkit aammalu sutigut illit nammineerlutit tapersiisinnaanerlutit tusarnaaruk imaluunniit paasissutissanik aallerlutit.

Meeqqanut

Aatsitassat taartumi qaammartartut

Inimut taartumut isernissat sapinngiliuk? Taamaappat taartumi aatsitassat qaammartartut kusanartut takusinnaavatit. Sooq qaammartarnersut aammalu Kalaallit Nunaanni sumi nassaassaanersut tusagaqarfigiuk.

Nanoq Uja naapiguk aammalu meeqqanut atuagaq Kalaallit Nunaata geologiia pissarsiaralugu

Nanoq maskotsi Uja high-fives-erinissamut atuakkallu ”Kalaallit Nunaata Geologiia – angalaarit” agguaannissaanut piareersimassaaq. Atuakkamik piniarlutit aggerit!

Takunissat qilanaaraarput!

Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfi