Nunamik sajuppillatsitsisarluni uuttortaanerit

Nunap sajunnerata maligaasaasa siammaannerminni sukakkassusaat nunap sumik sanaajussusaa apeqqutaatillugu allanngorarput. Kaataq oqimaatsoq sakkugalugu uuttortaatit uiguleriiaatut inissiortukkat nalaasigut sajuppillatsitsisarnerit uteqqeqattaarneqartarput. Sivinganerni sisujartortuni nunap ujarai aserortersimasuusarput taamaammallu sajuppillannerup maligaasai qaarsumut sanilliugu arriinnerusumik siaruaakkiartortarput. Taamaasilluni qaqqap ujaraasa qanoq quppanitsigisimaneri, sisujartortup kaanngarfittut naqqata sivinganerup qaavaniitt ammut itissusaa, ujaqqat ikiariiaarnerisa ilusaat, maligaasat sukkassusaasa allanngorarnerat quppallu nalunaarsorneqarsinnaalersarput.