Nunap nammineq sajunneranik uuttortaanerit

Suleqataasut: Spektrum Geophysik AG;  Swiss Seismological Service

Nunap nammineq sajuppillattarneranik uuttortaanerni sivinganerit sisoorsinnaasut angissusaat qanorlu qajannartigissusaat paasiniarneqarsinnaasarput.

Nunap sajunneranik uuttortaatit nunap namminermini sajuppilunnera uuttortartarpaat, tamakkumi nunarsuarput tamakkerlugu avatangiisini pisartuaannarmata. Uuttortaat qaqqami qajannaatsumik qaarsulimmut naleqqersuutitut atugassanngorlugu inissinneqartarpoq allallu qaqqap ilaanut sisoorsinnaasumut inissinneqartarlutik. Uuttortaanerit minnerpaamik akunnerup ilutsup ingerlanerani atortumut namminermut immiussuunneqartarput, kingornalu atortut katersorneqaqqittarlutik. Qaqqap qaarsui kaanngariartorlutik qajannarsinerusimasut sakkortunerusumik sajuppillattarput. Sajuppilunnerit sammiviisa quppat sammivii paasinarsisittarpaat, sajuppilunnerullu frekvensiisa sisoorsinnaasup annertussusaa paasinarsisissinnaavaat.