Avanersuarmi Moriusap eqqaaniittumik ilmenit-eqarfimmik piiaanissamut akuersissummik qinnuteqaat Dundas Titanium-ip tunniuppaa. Ingerlatseqatigiiffiiup tassunga atatillugu, inatsisit malillugit pisussaaffeqartumik siunnersuutit, Inuiaqatigiinni piujuartussamik iluaqutaasumik sunniutaasussanik nalilersuineq (VSB),Avatangiisinullu nalilersuineq (VVM) nassiuppai. Allakkat maanna tamanut tusarniuutigineqarput uanilu atuarneqarsinnaallutik:
Juunip ulluisa aappaanit septembarip ulluisa aappaanut tusarniaasoqassaaq. Tusarniaanerup nalaani, aatsitassanut inatsit naapertorlugu tusarniaalluni ataatsimiittoqassaaq, taamaaliortoqassaarlu katersuunnermi maanna atuuttut, coronaqartoqarneranut atatillugu malittarisassat najoqqutaralugit. Qaanaami, Savissimi, Ilulissanilu ataatsimiittoqassaaq.
Tusarniaalluni ataatsimiisitsinissat qaqugorpiaq pinissaat, tusarniaanermullu atatillugu malittarisssat eqqortut piaartumik kalerriutigineqassapput.
Tusarniaanerit Qaanaarmiut, Savissivimmiut, Iluliarmiullu periarfississavaat suliniummut atasumik paasissutissiivigineqarnissamik, suliniummullu atasunik apeqquteqarnissamut.
Sukumiinerusumik paasisaqarusukkuit: Jens-Frederik Nielsen, Aatsitassanut Inussutissarsiutinullu Naalakkersuisoq. Attaviguuk Salik D. Damgaard, Naalakkersuisup allattaa ugguuna: lg.qonan@adas aamma mobil: +299 29 38 96.