Aatsitassarsiornermik suliassaqarfimmut naalakkersuisortaaq

Ulloq 29. maaji 2020-mi partiit naalakkersuisuusut Siumut aamma Nunatta Qitornai, Demokraatit naalakkersuisooqatigilerpaat, Naalakkersuisunilu naalakkersuisooqatigiit nutaat pilersillugit.

Naalakkersuisooqatigiit nutaanngormata aqutsisoqarfimmi allanngortitsinermik nassataqarpoq, naalakkersuisooqataalersumiillu nutaamit, partii Demokraatinit naalakkersuisuni pingasunik nutaanik, naalakkersuisoqalerpoq.

Maannakkut aatsitassarsiornermik suliassaqarfik, Inuussutissarsiornermut Aatsitassarsiornermullu Naalakkersuisumit nutaamit, Jens Frederik Nielsenimit akisussaaffigineqalerpoq.

Naalakkersuisoq aamma naalakkersuisooqatigiit nutaat, Kalaallit Nunaanni aatsitassarsiornermik suliffissuaqarneq ineriartortiteqqissallugu pisussaaffeqarput, tamannalu naalakkersuisooqatigiinnermut isumaqatigiissummi nutaami imatut nalunaarneqarpoq:

”Pisariaqarluinnarpoq Nunatta Karsiata isertitai inuussutissarsiutinit amerlanerusunit aallaaveqarnissaat. Aatsitassarsiorneq sukarsuartut inerisarneqassaaq, taamaattumik aatsitassarsiorneq pillugu inatsit pisariillisarneqassaaq, avatangiisitigut, isumannaallisaanikkut peqqinnissamullu piumasaqaataasut qasukkanngikkaluarlugit. Nunatta aningaasalersuiffissatut soqutiginarnerulernissaa tassuunakkut qulakkeerniarlugu. Misissuinermi ingerlatat annertusarniarneqassapput, aamma piiaanissamut akuersissutinik amerlanerusunik tunniussisoqartariaqarpoq, taamaasilluni suliffiit nutaat akileraarutitigullu isertitat nutaat qulakkeersinnaajumallugit.”

Aatsitassarsiornermut oqartussaqarfiup Inuussutissarsiornermut Aatsitassarsiornermullu Naalakkersuisoq nutaaq, Jens Frederik Nielsen tikilluaqquaa, Kalaallit Nunaannilu aatsitassarsiornermik suliffissuaqarnerup ineriartorteqqinnissaa qilanaaraa.

Naalakkersuisooqatigiit nutaat pillugit annermik paasisassarsioruit una takuuk:

https://naalakkersuisut.gl/kl-GL/Naalakkersuisut/Pisut/2020/05/290520-Ny-koalition-i-Naalakkersuisut

Recommended Posts