Piffissami matumani alapernaarsuinermi takussutissaqartinneqanngilaq piffissami qanittumi qaqqat nakkutigineqartut annertummik sisoorfiusinnaanerat kingunerisaanillu navianaatilimmik mallersinnaanera Uummannap Sulluani inoqarfinni tassaartoqarsinnaara. Ujaqqalli nakkaaneri sisoornerillu annikinnerusut nunap assigatut ilusiliussani 1 aamma 2-mi aappalutumik nalunaarsorneqarsimasuni peratarsinnaasassapput. Sumiiffiit taakku qanittuaniinnissaq innersuussutigineqanngilaq.
Piffissami kingullermi qaammatinngortumi nalunaarsuinermik paasisat
Alapernaarsuninermit paasissutissat martsi 2025-imi katersorneqartut Umiammakku Nunaanni Kangerluarsummilu qaqqani sisoorfiusinnaasuni sisujartornerit ingerlaannarnerat ujaqqallu nakkaasarnerat takussutissaqartippaat.
Qaqqat nakkutigineqartut sivinganerini nikinnerit ujaqqallu sisoorneri takuneqarlutillu nalunaarsorneqartut nunap assigisut takusassiani 1-imi aamma 2-mi qalipaasikkatut ersersinneqarput: Sumiiffinni tungujortumik nalunaaqutserneqartuni nikikkiartuaartoqarnerana nalunaarsorneqarpoq. Sumiit aappaluttumik nalunaaqutsikkat tassaapput piffissap maannamut qaammatinngulersup ingerlanerani arlaleriarluni ujaqqanik nakkaasoqarfiusarsimasut.
Piffissap maannamut qaammatinngortup ingerlanerani “Umiammakku Nunaat 1”-imit, “2”-mit, “3”-mit, 2017-mi sisoorfiup innaanit taassumalu kangiatungaani qaqqamiit ujaqqat nakkaasarnerat allanngiiteqanngitsumik akulikissuseqartumik pisarsimavoq (ilusiliaq 1).
Nikinnerit arriitsut ingerlaavarnerusut sivingangeq “Kangerluarsuk Kangillermi” GPS-ikkut uuttortarneqarsimapput. “Kangerluarsuk Killiup” sivinganerata sissamut qaninnersaani allanngoriartorneq ingerlaavarnerusoq ujaqqallu akulikitsumik nakkaasarnerat alapernaarsuinermi maluginiarneqarput (ilusiliaq 2). Tassangaannit imanaanut sisoornerit ilivitsuunerusut pisinnaanerat ilimagineqarsinnaavoq. Naallu sisoorfiup qanittuaniunerusoq mallit angisinnaangaluartut, inoqarfinnut navianaateqarnissaat ilimagineqanngilaq.
Qaammatikkaartumik naliliineq tulliuttoq pingasunngornermi maajip arfineq aappaanni 2025-imi saqqummiunneqassooq. Allannguutilli aarlerinaatillit pilissappata siusinnerusukkut nalunaaruteqartoqassaaq.
