Piffissami kingullermi alapernaarsuinerup takussutissaqartinngilaa Umiammakku Nunaanni Kangerluarsummilu qaqqat nakkutigineqartut piffissami aggersumi qanittumi annertuumik sisoorsinnaanerat kingunerisaanilllu inoqarfinnnut naviananaatilimmik tassaartoqarsinnaanera.
Qaqqalli nakkutigineqartut sivinganerini nunap assingini ilusiliaq 1 aamma 2-mi aappaluttumik qalipaaserneqarsimasuni ujaqqat nakkaasarsinnaapput, sisoornerillu annikinnerusut pisinnaapput. Nunamiikkaanni imaaniikkaanniluunnit sumiiffinnut pineqartunut qanillattornissaq inassutigineqanngilaq.
Qaammammi qaangiuttumi sumiiffinni nakkutigineqartuni pissutsit
Qaqqat sivinganerini alapernaanneqartuni ujaqqat nakkaaneri nikinnerillu nalunaarsorneqartut ataani ilusiliaq 1 aamma 2-mi nunap assinganut qalipaatinik ilisarnaaserlugit titartorneqarput. Sumiiffiit tungujortumik ilisarnaasikkat tassaapput sisujartornerit ingerlaannartut, sumiiffiillu ujaqqanik uteqqiattumik nakkaaffiusimasut aappaluttumik ilisarnaaserneqarsimapput.
Umiammakku Nunaat
Piffissami maannamut qaammatinngulersumi alapernaarsuinermi paasissutissatut katersat takutippaat suli qaqqat sivinganerini sisoorsinnaasutut nakkutigineqartuni sisujartuaarnerit ingerlaannarnerat ujaqqallu ullut tamakkiakannerlugit nakkaasarnerat (ilusiliaq 1).
Kangerluarsuk
Svinganerup Kangerluarsuk Kangilleq-up annersaata sisujartornera ukiaaneraniilli arriiliartulerpoq. Tamannalu ukiut siuliini piffissap taamaannerani aamma takuneqarpoq.
Kangerluarsuk Killeq-up aamma Kangerluarsuk Kangilleq-up appasinnersaani sivinganerni sissamut qanittumiittuni nunap sisujartuninnarnera ujaqqallu akulikitsumik nakkaasarnerat suli maannamut alapernaarsuinikkut maluginiarneqarpoq (ilusiliaq 2-mi aappaluttumik qalipaasikkat). Tamatuma ilimanarsarpaa sivinganerit taakku ilaat iluitsuunerullutik killimmilli angissuseqarlutik imaanut sisoorsinnaammata, sumiiffinni qanittuni tassaartitsinermik kinguneqartumik. Inoqarfinnili tamanna navianaatilittut sunniussinnaanavianngilaq.
Pissutsinik naliliineq tulliuttoq pingasunngornermi maajp arfernganni saqqummiunneqassooq. Aarlerinartumilli allanngortoqassappat siusinnerusukkut nalunaarummik saqqummertoqarumaarpoq,
Nittartakkami imarisat saqqummiunneqartut nutaat
Nalunaarut una ilutigalugu qaqqat sisoortarnerat pillugu nittartakkami imarisat nutarterneqarput, ilaatigut immikkoortoq alapernaarsuinermi atortunut periutsinullu tunngasunik sammisaqartoq. Uani nittartakkap imai nutaat takuneqarsinnaapput.