PDAC-imi ataatsimeersuarneq

Ukiumoortumik ataatsimeersuarneq, Prospectors and Developers Association of Canadamit (PDAC-imit) aaqqissuussaasoq tassaavoq aatsitassanik piiaasarnerup aatsitassarsiornerullu iluani ataatsimeersuarnerni siuttuusoq, nunanit 130-t sinnerlugit inunnik peqataasartunik 25.000-it sinnerlugit orniguffiusartoq.

PDAC-imi ataatsimeersuarneq tassaavoq Aatsitassarsiornermik pisortaqarfiup pilerisaarinikkut ingerlataani annerpaaq. Uani nittarsaassiffimmi nr. #417 Trade Show South nassaarisinnaavatigut, Naalakkersuisut sinniisaanik toqqaannartumik oqaloqateqarnissamut periarfissaqassallutit, nunap pissusaanut tunngasuni periarfissat, suliniutit ingerlareersut, Kalaallit Nunaanni akuersissuteqartarnermut ingerlatsisarnermullu ingerlatsiviit pillugit apeqqarissaarsinnaallutit, tamaaniippullu nassarsinnnaasannik ilisimatitsissutitut atortussiat. Taamatuttaaq Kalaallit Nunaanni diamantinut, nikkelinut zinkinullu piukkunnaataasut pillugit qarasaasiakkut paasissutissat katersat tunniussuuttarpagut.

Aammattaaq ataatsimeersuarnermi siunissami soqutigisaqaqatigiit, ingerlatseqatigiiffiit aningaasaliisartullu peqatigalugit ornigunnikkut ataatsimeeqateqarnissaminnut Naalakkersuisut piareersimapput. Sinniisut peqataasut ataatsimeeqatiginissaat kissaatigissagukku attaveqarfiginissatsinnut tikilluaqqusaavutit.