COVID-19

Matumuuna Covid-19-ip tuniluuffiunerata nassatarisaanik ullormit 18. martsimit minnerpaamillu sapaatip akunneri pingasut tulliini Kalaallit Nunaanni illoqarfiit pingaarnersaat Nuuk matoqqassasoq kikkunnut tamanut soqutigisaqaqatigiinnullu sianigeqqussavarput (takuuk Tunillaassortunik nappaalanersuaqarneranut ataatsimiititaliarsuup tusagassiorfinnut nalunaarutaa (taamaallaat kalaallisut danskisullu) uani takuuk: https://naalakkersuisut.gl/kl-GL/Naalakkersuisut/Pisut/2020/03/190320-Nye-tiltag-mod-spredning-af-COVID_19-i-Nuuk. Taamatuttaaq Kalaallit Nunaannut tamarmut eqquisunik killilersugaanerit, ilanngullugit angalanermi killilersuutit eqqunneqarput.

Maannakkut nalaataqarneq pissutigalugu allaffigut matoqqapput, Aatsitassaqarnermullu pisortaqarfiup sulisui tamarmik angerlarsimaffimminni sulipput. Oqarasuaatitsinnut attaveqannginnatta taamaallaat e-mailikkut attavigineqarsinnaavugut. Sulinerput manna tikillugu ingerlanneratut nanginniarlugu ilungersorpugut, akissuteqarnissamulli piffissat sivitsussappata naammagittarnissarsi qinnuigaarput.

Aamma piffissami takkuttussami Kalaallit Nunaanni aatsitassanik ujaasillunilu suliaqarnernik nunarsuarmi tamarmi Covid-19-imik nalaataqarneq sunniuteqarsinnaasoq nakkutigisariaqarparput. Pisinnaatitsissutinik piginnittugut qanimut suleqatigaagut, aammalu nalaataqarfiusoq qanimut malittaralutigu, soorlulusooq taarsiisinnaanermut periarfissat misissorlutigit.

Aatsitassanik ujaasillunilu suliaqarnernut, ilanngullugit avammut nioqquteqarnissamut akuersissutinut tunngasunik apeqqutissaqaruit pisortatigut e-mailitsinnut saaffiginissinnaavutit, uani [email protected], imaluunniit suliamik isumaginnittut saaffigalugu.

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest
Scroll to Top