Aningaasaqarnermut tunngasut ujaasinissamik pisussaaffiit oqilisaavigineqaqqinneri, kiisalu akuersissummik sivitsuineq

Tunngavissiaq pissutsinik marlunnik imaqartoq ulloq 27. august 2020-mi Naalakkersuisut akuersissutigaat. Pissutsinik allannguineq siulleq aatsitassarsiorluni ujaasinissamut akuersissutinut tamanut aningaasaqarnermut tunngasutut ujaasinissamut pisussaaffigisat ukiumik ataatsimik kinguartinneqarnissaanut tunngavoq. Pissutsit aappaata nassataraa ujaasinissamik akuersissutinut tamanut akuersissuteqartunut ukiumik ataatsimik sivitsuisoqarmat.

Taamatut aaliangerneq aallaaveqarpoq Aatsitassalerinermut oqartussaasoqarfiup nunarsuarmi COVID-19-ip allanngoriartuaarneranik qanimut malittarinninneranik, aammalu aatsitassarsiortutut suliffissuaqarfinnik qanimut attaveqarsimaneranik.

Akuersissuteqarneq Naalakkersuisut ulloq 2. apriil 2020-mi aalajangiussaannut annertusaanertut isumaliutaavoq.

Kalaallit Nunaanni ujaasinissamut akuersissutinut pisinnaatitsissutinik piginnittut ujaasinissap ingerlatarinissaanut pisussaaffeqarput, aammalu aningaasanut aalajangerneqarsimasunut tamatuminnga suliarinnissallutik. Aningaasat aalajangiussat akuersissutaasup pisoqaassusianit nunatallu annertussusaanit aallaaveqartumik naatsorsorneqartarput. Maannakkut pisuni ukiumi 2020-mi pisinnaatitsissummik piginnittup aningaasaqarnermut tunngasutut ujaasinissamik pisussaaffigisaminik piviusunngortitsisinnaassusia annikittuaraavoq. Ukiumi 2020-mi pisinnaatitsissummik piginnittup piviusunngortinniagassaanit Naalakkersuisut ulloq 2. april 2020-mi aalajangiussinerat ukiup siuliani ujaasinissamik pisussaaffigisanik piviusunngortinngisanik aallaaveqanngilaq. Akuersissutip nutaap matuma nassatarivaa ukiup siulianit ujaasinissamik pisussaaffigisat piviusunngortinngisat 2020-mi piviusunngortittussaasimasat ukiumik ataatsimik kinguartinneqarnerannik.

Ukiumik ataatsimik akuersissuteqarfiup nalaata sivitsorneqarnerata nassataraa ukioq 2020 akuersissuteqarfiup nalaanit ilanngaatigineqassammat. Allatut oqaatigalugu ukioq 2020 ”unitsikkallarneqarpoq”. Piviusutigut tamatuma nassatarissavaa ujaasinissamik akuersissutit tamarmik ukiumik ataatsimik sivitsorneqarnissaat.

Annertunerusumik paasisaqarusukkuit attavigiuk Aatsitassanut Aqutsisoqarfiup pisortatigut e-mailia [email protected].

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest
Scroll to Top