Tanbreez-i piiaanissamut akuersissummik nalunaarfigineqassaq

Ulloq 13. August Naalakkersuisut akuersissutigaat TANBREEZ Mining Greenland A/S-ip (”Tanbreez”) piiaanissamut qinnuteqaataa, sumiiffik akuersissuteqarfiusoq 18 km2-nik annertussuseqarpoq, Killavaat Alannguanni nunatta Kujaataani inissisimasoq. Tanbreez-i piiaanissamut akuersissummik ukiuni 30-ini atuuttumik nalunaarfigineqassaaq. Piiaanissamut akuersissutip, Tanbreez-i aatsitassami eudialyt-imiittumi pinngoqqaatinik, piiaanissamik pisinnaatitsissuteqalersissavaa.

Naalakkersuisoq Inuussutissarsiornermut Aatsitassanullu, Jens-Frederik Nielsen oqarpoq:
”Nuannaarutaaqisumik TANBREEZ Mining Grenland A/S´-i (Tanbreez”) piiaanissamut akuersissummik pissarsivoq, annertuumik, ajunngitsumik pingaarutilimmillu, Kommune Kujallermut Kalaallit Nunaatalu sinneranut, ineriartuutaasinnaasumik.”

Tanbreez-ip, Kommune Kujalliup, Namminersorlutillu Oqartussat akornanni suleqatigiinnissamut isumaqatigiissut, Impact Benefit Agreement (IBA) Naalakkersuisut akuersissutigaattaaq.

Piiaanissamut akuersissut suleqatigiinnissamullu isumaqatigiissut, taakku atsiorneqassapput atuutsinneqalinnginneranni.

Piiaanissamut matusinissamullu pilersaarummik kiisalu ingerlatassanut pilersaarutinik suliaqarnissaq tullinnguuppoq. Pilersaarutit taakkua suliarineqarnerat, ingerlatseqatigiiffiup aamma Naalakkersuisut akornanni qanimut suleqatigiinnikkut ingerlanneqassaaq. Piaanissamut matusinissamullu pilersaarummik Naalakkersuisunit akuersissummik pissarsinissaminut ingerlatseqatigiiffik periarfissinneqarpoq 31. december 2022-ip tunniussinissaminut, taannalu ilaatigut isumannaallisaanermut avatangiisinullu apeqqutinik piumasaqaatinik sukumiinerusumik imaqassaaq.

Paasissutissanik annertunerusunik piniarnermi, attaveqarfigeqquneqarpoq:

Inuussutissarsiornermik Aatsitassarsiornermillu Naalakkersuisup allattaa, Salik Damgaard, [email protected], +299 34 68 94

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest
Scroll to Top