Kalaallit Nunaanni aatsitassarsiorfimmut qarasaasiakkut pilersuisartut isaavissaat maannakkut atuisutut nalunaarsuiffigineqarsinnaalerpoq

Kalaallit Nunaanni aatsitassarsiorfiusumut kiffartuussissutinik pilersuutinillu pilersuisartunut nunatsinni suliffinnik katersuisumik Aatsitassanut Naalakkersuisoqarfikqarasaasiakkut isaavissiorsimavoq. Isaavik pilersuisartut atuisartutut nalunaarsornissaannut maannakkut ammarpoq. Nalunaarsorneq akeqanngilaq, Kalaallit Nunaannilu suliffinnut tamanut CVR-normulinnut ammavoq.

Aatsitassarsiorfimmut qarasaasiakkut pilersuisartut isaaviannut attaveqalerit ugguuna.

Aatsitassarsiorfimmut siamasinnerusumik takuneqarsinnaanerup pissarsiarinissaanut, niuernikkullu annertunerusunik periarfissinniarlugit najugaqarfiusuni suliffeqarfiit ikiornissaat siunertaralugu Aatsitassanut Naalakkersuisoqarfiup isaavissaq pilersippaa. Tamatumunnga ingerlaqatigisillugu isaavik Kalaallit Nunaanni aatsitassarsiornermik ingerlatseqatigiiffinnut misissueqqaanermik aatsitassarsiornermillu suliniutiminnut najugaqarfigisanit kiffartuussissutinik pilersuutinillu ujartuisunut isaaviup atuunnissaa siunertaavoq.

Isaavissap taassuma pilersinnera naalakkersuisoqarfiup periusissiatigut pingaarnertut suliassaqarfiisa ilaannut, ”Aatsitassarsiornermik suliaqarnerup piujuartitsisumik ineriartortinneqarnera”-nut, 2020-2024-mi Kalaallit Nunaanni Aatsitassarsiornermut Periusissiaani oqaasertalersugaasumut naleqqersuuppoq.

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest
Scroll to Top